青年選擇踮佇成功鎮，發展地方特色文化｜青春咱的夢
發布時間: 2026-08-14
【鹹甜的成功味】
臺東的成功鎮，因為地理位置偏遠、交通無遐爾方便，是真濟人會經過但是無一定會停落來的所在。
毋過這个佇山佮海之間的成功鎮，一爿是闊茫茫的太平洋，另外一爿是懸瑯瑯的海岸山脈，這美麗的景色佮特別的海洋文化，予一陣少年人選擇留落來。𪜶毋但佇遮生活，閣透過行動，改變地方面貌，希望予愈濟人願意行入來這个樸實的庄仔頭。
公視臺語台《青春！咱的夢》8/15這禮拜六暗時7點半，𤆬恁來看這陣少年人佇成功鎮講成功的故事。
