台語憲章的向望、花田‧茶芳佮大稻埕：北台灣的窨花茶記憶 ｜台灣記事簿

【台語憲章的向望 】

恁兜的囡仔敢有咧講台語？佇台灣各地，攏有袂少人拍拚起造台語家庭，向望會當予囡仔完整的台語環境，毋過欲予囡仔一个全台語的環境實在無簡單，毋但社會猶是以講華語做大宗，學校除了一禮拜一節的母語課，嘛是真罕得有人咧講台語。

臺灣台語已經是國家語言，毋過《台語憲章》的作者賴一心認為按呢無法度救母語，提出應當共列做官方語言之一，予這个語言佇教育系統、司法系統等等的各種領域，攏會當平等的做使用。

【花田、茶芳佮大稻埕：北台灣的窨花茶記憶】

往過佇台灣北部，三重埔、新莊佮蘆洲是種誠濟茉莉花、黃梔仔、秀英花遮的芳花，遮的花挽落來，就會坐船到對岸的大稻埕，紲落提去熗花做薰花茶。

雖然秀英花茶已經行入歷史，毋過薰製花茶並無佇台灣消失，是以較豐富的形式繼續發展；對彰化花壇的茉莉花茶，到花蓮台東的柚花茶，台灣薰花茶經過消失佮復興，百年的工藝當以新的形式，重新予人看著。

7/5禮拜暗時七點半，台灣記事簿先𤆬你來看台灣各地拍拚想欲復振台語的台語家庭佮學者，紲落才來看「窨花茶」佇台灣的歷史。