替蜂打造「城市旅館」，維護生態的平衡｜青春咱的夢
發布時間: 2026-05-29
【一場無聲的生態危機】
2021年聯合國發佈氣候變遷評估報告，極端氣候會造成生物滅絕的速度比正常的狀況加100至1000倍。尤其是蜂佮蝶仔，攏面對滅絕的危險。蜂若消失去，植物就無法度弄花，嘛會直接影響糧食的收成。
為著欲引起大眾開始重視環境佮生態的保育，有一陣少年人參考國外的文獻，共「蜂旅館」的概念引進台灣。
公視臺語台《青春！咱的夢》5/30這禮拜六暗時7點半，咱做伙來看這陣少年人按怎去推廣佇城市飼蜂的新概念。
