臺日蕉情飯桌仔再現、台灣弓蕉的農廢奇蹟｜台灣記事簿

【臺日蕉情飯桌仔再現】

台灣農業部佮日本茨城縣進行交流計畫，茨城縣逐冬攏會買弓蕉、王梨、檨仔佮文旦等等的果子，予縣內各中小學的囡仔佇中晝頓來食。對果子開始，到甲城市的交流、文化的互動，甚至未來愈濟面向的合作；任何一粒果子，任何一份中晝頓，攏有可能成做拍開國際交流的大門。

【台灣弓蕉的農廢奇蹟】

台灣逐冬生產19.8萬噸的弓蕉，猶毋過干焦是假莖遮的農業廢棄物，就有97.2萬噸。假莖過去只會當用埋的或者是提去燒，不而過弓蕉纖維取纖廠業者有新的想法，予遮的農業廢棄物變做永續的紡織材料。

弓蕉的假莖經過沓沓滴滴加工，毋但會當變紡織的纖維，做襪仔、做衫，嘛會當取代動物性的皮材，成做環保的人工「素皮」，予農業廢棄物有新的價值，嘛為台灣的紡織業創造閣較濟新的可能。

5/24禮拜暗時七點半，台灣記事簿先𤆬你去日本茨城縣，看台灣用著時的果子和in的學生進行文化交流，紲落才來看台灣有業者利用弓蕉的假莖變做永續的紡織材料，予農業廢棄物有新的性命。