對廟會到巨蛋，兩个少年的弄獅人生｜青春咱的夢
發布時間: 2026-05-15
【高樁頂的弄獅夢】
高雄戲獅甲是國際上前三大的弄獅比賽之一，嘛是台灣弄獅界上懸的層級。佇鑼鼓聲中，對世界各國來的少年人佇高樁頂跳來跳去，拚全力佇國際的舞台頂表現。
佇這寡參加比賽的台灣隊伍中，有一隊是自細漢就鬥陣練習，這20幾年以來嘛無冤家過，成員甚至閣因為弄獅提著博士學位，這嘛替弄獅帶來好的印象。
公視臺語台《青春！咱的夢》5/16這禮拜六暗時7點半，𤆬逐家來看台灣的弄獅團隊，欲按怎用汗水佮堅持，守護台灣的弄獅文化。
