護國群山的接力賽、反轉‧加薦袋仔的記憶｜台灣記事簿

【護國群山的接力賽】

台灣的半導體產業這馬是世界出名，毋過你敢知影伊背後的發展歷史？

1976年，當當台灣面臨國際地位的危機，政府派一陣少年工程師去美國RCA(無線電公司)，共台灣發展半導體技術的種子紮轉來，紲落咱靠家己的實力，一代接一代，沓沓仔予半導體成做台灣的護國矽盾。

【反轉‧加薦袋仔的記憶】
加薦袋仔是行佇台灣街仔路誠四常會看著的生活光景，這款台灣味，是濟濟人細漢時仔的記憶；這幾年加薦袋仔成做外國遊客來台灣定著愛買的紀念品，對農村行到城市，閣對城市行向世界，除了上經典的紅、青、藍，今嘛有濟濟創新的色水佮款式，予古早的物件活出新的性命。

4/19禮拜暗時七點半，台灣記事簿先𤆬你來看台灣半導體的發展故事，紲落才來看加薦袋仔是按怎成做台灣遮爾有代表性的紀念品。