好好仔講再會、回顧人間｜台灣記事簿

【好好仔講再會】

南華大學生命教育中心的執行長李慧仁，毋但想欲拍破業界固定的印象，嘛勇敢挑戰世俗的眼光，佇墓仔埔辦婚禮；另外有一个家庭用家己的方式，陪in上敬愛的阿媽行上尾一段路；無孝女白琴佮牽亡歌陣，而且對火化的時間、追思會場的佈置到告別式欲用佗一張相片，攏是予孫仔決定。

台灣傳統喪禮有真濟規矩和禁忌，講著「死亡」相關的代誌嘛會真厚譴損，「生死教育」若像長期佇逐家的人生中攏真欠缺，毋過生死教育敢一定愛等甲人生的上尾站才欲開始學習？

【回顧人間】

《人間雜誌》佇1985年11月創刊，1989年9月停刊，計共發行47期，5200頁報導當中，就有5500張新聞照片，是彼時罕得看，以影像為主體的雜誌。

內容定定關注社會弱勢佮底層的生活，為社會弱勢發聲，甚至影響政府決策。北師美術館採訪濟濟人間雜誌攝影記者，倒頭看斯當時走新聞的記憶，也展出in的作品。

4/5禮拜暗時七點半，台灣記事簿先𤆬你來看對「死亡」無仝的想法，才紹介台灣過去真重要的《人間雜誌》予你。