大厝起的派對夢、看袂著的台語片｜台灣記事簿

【大厝起的派對夢】

辦桌是真濟台灣人共同的記憶，嘛是台灣重要的傳統文化。

彰化秀水鄉一間紅磚仔大厝起，主人晚風佇大厝起頭前辦活動，予記憶中的舊厝，成做一場一場活動的場地，逐家做伙來遮食辦桌、唱歌、交朋友。主辦人怙對家鄉的感情和細漢的快樂回憶，共濟濟人箍做伙，予老厝有閣較濟多元的模樣，嘛𤆬逐家同齊體驗台灣的古早味。

【看袂著的台語片】

1960年代尾期到1970年，台語電影產業漸漸衰頹，有片商為著生存，開始挑戰敏感的話題，刺激觀眾目睭，出現參「性」有關係的「台語異色電影」，想欲佇台語電影生死門揣新出路。

國家影視聽文化中心以這做主題，整理1968年到1980年左右，攏總24齣無仝色彩，異色、剝削等等的台語電影，去面對台語電影尾期，罕得予人討論的議題。

2/1禮拜暗時七點半，台灣記事簿先𤆬你去彰化一間大厝起看辦桌party，紲落才做伙倒轉去50年前的台灣，看彼當時的台語異色電影。