守衛國家的上前線：大膽島、台灣豬芳 湠入日本市場｜台灣記事簿

【守衛國家的上前線：大膽島】

1950年7月26，共軍射砲彈掩護，偷偷仔坐船對廈門出發，peh上大膽的中央沙埔，後來號做「大二膽戰役」，落尾國軍打贏這場戰役，也穩定台海局勢。

金門的大膽，離中國廈門無到五公里，是重要的國防戰略位置，人講「前線中的前線」；
較早是封閉的軍事基地，目前猶是有軍人佇頂頭，毋過這馬已經開放民眾觀光，金門縣嘛按算共大膽變做國防教育的一个基地，嘛予少年人認捌遮的歷史。

【台灣豬芳 湠入日本市場】

今年5月29，台灣得著WOAH(世界衛生動物組織)認證，成做亞洲頭一个「三大豬災非疫國」，不而過，10月煞出現本土頭例非洲豬災，各部會拍拚控制疫情，向望明年重新申請非洲豬災非疫區資格。

11月有日本大型連鎖店舉辦台灣祭，日本對北到南攏通仔食著台灣的排骨便當佮煙腸，希望高品質的台灣豬肉打開閣較濟國外市場。

12/28禮拜暗時七點半，台灣記事簿先𤆬你來去大膽島，了解大二膽戰役閣有大膽的歷史，紲落才來看外銷到日本的台灣豬！