醫療網看顧袂著的重症少年人、一場清醒的開顱手術｜台灣記事簿

【醫療網看顧袂著的重症少年人】

讀國校六年的雅汕，24點鐘攏愛鬥呼吸器，厝裡的醫療用品是囤佮滿四界；毋過大部份的相關用品，健保無給付，一個月的相關費用，愛開10到15萬。
紅斑性狼瘡患者素芬，佇病院走十外年，真濟藥仔佇台灣猶未列入健保給付，一年的醫藥費超過百萬。

癌症和重大疾病的患者，有愈來愈少年的趨勢，毋過因為年歲的限制，有部分資源無法度使用，自費的藥仔佮醫療用品，造成病人真大的負擔。

【一場清醒的開顱手術】

清醒開頭殼手術，除了佇移除腫瘤的時較安全，嘛是希望會當幫助病人佇手術了後，袂影響著生活的功能。

林口長庚神經外科教授魏國珍𤆬領的清醒開顱團隊，已經進行上百件的案例，規个團隊除了負責開刀的神經外科醫師，閣需要神經內科、復健科、語言治療師等等資源。雖然對現代醫學來講，這款手術毋是傷過特殊困難的技術，毋過魏國珍表示，台灣這馬的問題，是猶無一套標準化的流程。

12/21禮拜暗時七點半，台灣記事簿先𤆬你來關心重症少年的困境，紲落才來看台灣的清醒開頭殼手術是按怎進行的？