人生後半場 拍出性命新節奏、青春閣一擺 阿公阿媽嘛會戀愛｜台灣記事簿

【人生後半場 拍出性命新節奏】

洪淑惠今年已經75歲，原本佇咧台大病院的研究單位上班，一改看著非洲鼓的表演，決定嘛欲做表演者。加入非洲鼓舞團，原本是希望老較慢咧，予囡仔毋免煩惱伊，想袂到顛倒予伊愈活愈精彩，嘛佇咧非洲鼓舞團交著濟濟朋友。

in除了四界去表演，閣佇2019年通過新北市佮花蓮縣的考試，成做正式的街頭藝人，生活是比少年的時陣閣較豐富。

【青春閣一擺 阿公阿媽嘛會戀愛】

趙阿公佮余阿媽攏已經超過九十歲，毋過in結婚煞猶未兩冬，in是新竹榮民之家成立七十年來，頭一對結婚的居民。

六十歲的面冊社團版主，佇網路頂交朋友辦活動，挑戰過去毋捌做過的代誌，閣限制若無五十歲袂當加入社團，社團內底每一个人攏會當做主辦人，逐禮拜攏有無仝的活動，就算囡仔大漢 出外，嘛袂感覺孤單。

12/7禮拜暗時七點半，台灣記事簿先𤆬你來看由長輩組成的非洲鼓舞團，紲落才來看一對九十歲才戀愛的翁仔某，閣有一陣透過網路交朋友的退休老大人，in精彩的人生體驗！