Fata’an部落的後一步、1975 海上來的人｜台灣記事簿

【馬太鞍重建三部曲（一）Fata’an部落的後一步】

今年9月23下晡，花蓮縣山頂的崩山湖溢流出來，大水毋但沖斷馬太鞍溪橋，嘛衝入去Fata’an部落，塗糜淹甲規四界。

有濟濟全台灣各地的志工，家己紮靴管、沙挑，坐火車去到花蓮Ffata’an部落鬥相共，希望鬥恢復當地居民的家園，Fatan’an部落的青年，也透過傳統的年歲階層分工，第一時間就投入救災。

災民的家園是欲按怎重建，災民的後一步，是欲離開抑是欲留落來？
災後的難題，這馬才今仔欲開始。

【1975 海上來的人】

1975年，南北越統一，南越的越南共和國政權結束。根據聯合國難民署統計，1975年到1995年之間，有大約80萬个越南難民去到其他國家，爭取庇護佮追求新的生活。

1977年到1988年之間，台灣嘛捌接受越南的難民，袂少越南人透過「仁德專案」來到台灣，1990年代了後，閣有愈來愈濟越南人因為婚姻或者是工課來到台灣。

遮的越南移民，毋但佇這塊土地釘根生湠，嘛予台灣會當成做這馬的多元社會。

11/16禮拜暗時七點半，台灣記事簿先𤆬你關心花蓮災後的狀況，紲落才來看遮的佇台灣生活的越南人的故事！