動保抑是人類生活的選擇題、青春居服員｜台灣記事簿

【動保抑是人類生活的選擇題】

佇台灣南部屏東的恆春半島，有成立佇1982年的墾丁國家公園，內底有誠豐富的自然生態環境，其中墾丁梅花鹿的生態保育，是誠成功的案例。梅花鹿復育效果誠成功，毋閣梅花鹿定佇暗時、透早，視線無好的時陣出外行動，傱到車路頂，佮車相挵，參人類的生活，發生衝突。

時間若到暗時，逐年舊曆6月到10月，是愣仔生湠的時間，但是台26線共這寡愣仔的生湠地分做兩爿，一爿樹林、一爿大海，愣仔媽媽欲生湠，就愛對樹林這爿過車路，才通到海這爿，但是袂少愣仔，煞予來往的車軋死。

自然生態佮人類生活欲按怎共存？

【青春居服員】

台灣已經進入超高齡社會，居服員平均45歲以上，陳婷蓉才 26 歲，毋閣伊做居家照顧這途已經五年矣。因為身軀頂有真濟刺字，寢開始，人閣會共問講：「妹仔 你敢是鱸鰻？」後來，伊變做老大人所講的「國民查某孫」，序大人攏真佮意伊。

長期照護是人佮人之間互相連結的產業，重要的是按怎予少年世代願意加入。
長照 3.0 的時代就欲到矣，佇咧這个產業，培育人才 建立制度，加上社區的支持，無定著會是台灣長照，徛會在、行會久長的力量。

11/2禮拜暗時七點半，綴台灣記事簿做伙先關心墾丁梅花鹿佮愣仔參人類社會的衝突，才來看少年居服員按怎拍破刻板印象，佇長期照護這條路行落去。