台灣的味 57號番薯酒、思念的古早味 破布子｜台灣記事簿

【台灣的味 57號番薯酒】

雲林水林57號番薯真出名，肉質軟𩚨、幼麵麵，台灣人攏知影57號芳閣好食，毋過你敢知影，番薯竟然嘛會當激酒？

而且這款家鄉味做出來的番薯酒，閣佇比利時佮舊金山提著真濟大獎。
共在地農產品轉做高品質的酒，這毋但是激出一罐酒，嘛激出鄉土連結、品牌連結，閣有國際市場。

【思念的古早味 破布子】

你可能無看過生佇樹仔頂的破布子，毋過嘛捌佇咧阿媽煎的卵內底，無細膩咬著伊𠕇硞硞的子。對老一沿的人來講，破布子是予三頓會當加一味的物配，就算佇咧好食物遮爾濟的現代，料理內底嘛是會當看著這款古早味。

這款粗俗的食物，透過古早人的智慧佮手藝，將酸澀變做甘甜，成做台灣食食文化當中特殊的記持。

10/12禮拜暗時七點半，台灣記事簿𤆬逐家來去啉一杯咱台灣家己激的番薯酒，紲落來才做伙去熟似台灣飯桌仔頂的古早好滋味──破布子！