:::

AI世代大學轉型、佇雲林有百款生活｜台灣記事簿

發布時間: 2025-07-08

【AI世代大學轉型】
這馬的大學課程佮以往無仝，學校會用AI上課。佇咧大學的機械系，𪜶用AI虛擬場域，培養學生佇咧虛擬空間內底建置風力發電、水力發電設備，佮傳統的機械系理論課程，親像流體力學、機械設計無仝款，學校引進AI技術，予學生用沉浸式的方法來學習機械能源。
人工智慧發展真緊，快速改變人的生活，毋但改變產業，嘛影響著學校教育的內容，台灣各大大學毋但理工科系，所有的科系攏咧加速規劃AI課程。AI會澈底改變教育，對程式設計、深度學習到AI倫理，大學的教育開始改變，也欲培養人才，予台灣𤆬領全世界的半導體產業鏈，佇咧後一个世代會當繼續發光。

公視台語台
【佇雲林有百款生活】
2022年、2023年模仿六房媽，佇咧雲林各地輪流舉辦「伏流祭」。可惜2025年因為經費無夠，所以改做「島嶼回春」市集，現場有倩樂團表演，國校仔的學生設計遊戲佮老大人做伙耍，閣有回春電台替阿公、阿媽點歌來傳達𪜶的心聲，和來自香港的藝術家親身教民眾來做版畫。
雲林捌予人認為是「藝文沙漠」，真濟活動攏無佇雲林舉辦，毋過這幾冬雲林漸漸轉變，因為一陣叫做「雲林100種生活」團隊，𪜶佇地方拍拚，舉辦地方創生的活動吸引在地人和觀光客來行踏和熟似雲林這个所在。