行街頭的反核運動史、非核家園 確定無？｜台灣記事簿

【行街頭的反核運動史】
2025年5月17台灣進入無使用核電的歷史階段，台灣自70年代開始起核能發電廠了後，隨著國外發生大型核能災害，反核運動的風潮開始對國外吹入來台灣。佇台灣猶咧戒嚴的時期，反核運動也參黨外運動密切結合，佇全台四界開花、快速發展。
1987年7月15台灣解嚴，台灣社會運動開始滾絞，政治運動佮社會運動相連紲行上街頭，反核運動就是其中之一。隨著踮佇屏東的核三廠二號機佇5月17正式除役，非核家園已經佇台灣落實，毋過在野黨佮部份民間企業攏一直有繼續使用核電的聲音，佇台灣已經行超過40年的反核運動恐驚猶無法度歇睏。

【非核家園 確定無？】
5月17暗時10點核三廠二號機解聯，台灣進入非核家園時代，但是立法院通過修法，有機會通予核三廠閣再紡20年，所以有環保團體徛出來反對，毋過在地居民嘛有另外一種聲音，認為核電真安全，閣會當予當地的經濟變好。
台灣核能發電的問題應該愛佇專業評估、理性溝通、尊重地方意見的情形下，
決定是毋是欲使用抑是欲按怎使用，無應該將國家能源政策變做政黨對抗、政治操作的議題。

6/29 禮拜日暗時七點半，綴台灣記事簿先做來伙熟似行街頭的反核運動史，落尾才閣來看非核家園確定無？！