面對工課場的競爭佮選擇，大學生多方面探索家己未來的出路｜青春咱的夢
發布時間: 2025-03-28
【咱的世代-青春路上的答案】
3月29號是青年節，這工毋但是為著紀念青年行動的歷史，嘛是屬於所有少年人的節日。當代的少年人面對一直咧變化的世界，應該愛如何選擇未來的道路咧？
大學的培養、科系的發展，佇工課場需要面對的競爭佮選擇，加上台灣真懸的厝價佮囝兒教育的問題，這攏是這个世代的少年人，無法度避免、需要面對的課題。
公視臺語台《青春！咱的夢》3/29這禮拜六暗時7點半，欲推出「咱的世代」系列報導，用連續三禮拜的時間來探討青壯世代𪜶這馬所面對的挑戰。
今仔日阮先𤆬恁行入去大學的校園，來聽遮的學生對學習的思考佮選擇，同齊來探索青春時期的迷惘，佮勇敢逐夢的故事。
