聚集文化佮創意，鈴蘭通點著臺中中區的未來｜青春咱的夢
發布時間: 2025-03-14
【舊城新夢：鈴蘭通紀事】
「鈴蘭通」是一條台中中區歷史真久的街仔路，過去是繁華鬧熱的城市中心，有百年來誠濟人的記憶佮故事。綴時代的變遷，這條路雖然無往過遐爾鬧熱，但是到今因為有在地居民佮少年人的努力，予這个舊城區有重新轉變的機會。
逐年攏會舉辦的「鈴蘭通散步納涼會」，結合擔仔市集、實境角色扮演、變裝遊行等等的活動，毋但共城市在地的記憶揣倒轉來，嘛吸引足濟少年人轉來故鄉，成做一个無仝世代合作、傳承歷史的活力之地。
公視臺語台《青春！咱的夢》3/15這禮拜六暗時7點半，咱做伙來參與鈴蘭通的盛會，感受舊城區的風情佮新世代的活力。
