性別毋是限制，女性佇無仝職業行出家己的路｜青春咱的夢
發布時間: 2025-03-07
【拍破框架 女力登場】
今仔日是三月八號國際婦女節，祝福全台灣的女性平安快樂。根據勞動部統計，自2009年到2022年之間台灣女性的勞動參與的比例有逐年愈來愈懸的趨勢，其中佇25到29歲的女性投入職場的比例已經到高點，甚至比日本韓國、美國閣較濟。像刺字、聯結車駕駛佮喜劇演員，這寡看起來是男性主導的職業，到今攏會當看著女性的身影，勇敢做家己。
公視臺語台《青春！咱的夢》3/8這禮拜六暗時7點半，咱做伙來看她們如何拍破限制，行出家己的路。
