::: 中央內容區塊
:::

香港來的朋友 最近好無?、走揣一百年前地動報告|台灣記事簿

發布時間: 2025-01-11

【香港來的朋友 最近好無?】
2019年香港爆發反送中運動,因為按呢有真濟香港人搬來到台灣,想欲做正港的台灣人,享受台灣的民主佮自由,毋過這件代誌煞無遐爾簡單,香港國安法的創立嘛予這件代誌變甲誠複雜,但是佇台灣的香港人也是真拍拚咧過生活。
2019年以後來台灣蹛的香港人,有人選擇開餐廳,有人是來讀冊的,嘛有人選擇佇遮開冊店,分享香港人寫的冊,予閣較濟人熟似香港的文化。

公視台語台

【走揣一百年前地動報告】
你敢知影百冬前的台灣若發生地動,地動的資料是按怎紀錄佮傳送的?其實,攏是靠手工寫批、畫震度圖寄去氣象署等等的人工咧紀錄地動,好佳哉遮的資料攏有保存落來,嘛成做這馬防災的參考資料。
現此時,有一陣人共百年地動報告的資料重新整理佮活化,欲予政府佮民眾好好仔了解每一个地動的災害按怎共預防措施做予周至,來減少地動造成的災損,是咱台灣愛要意的議題。
1/12 禮拜日暗時七點半,綴台灣記事簿先來看香港來的朋友最近好無?,落尾才閣來走揣一百年前的地動報告!