揹傷向前的彼陣人、治療政治傷痕的路｜台灣記事簿

【揹傷向前的彼陣人】
2014年3月18暗時九點外一陣人盤牆、進入立法院反對服貿，學生、公民團體和警方發生暴力衝突。過程當中，有參與者的頭殼、龍骨攏著傷，昏迷了後就予人送來到急診治療。受傷的參與者表示，除了身軀的傷痕，心理狀態嘛遭受暴力創傷長期折磨。
運動佮社運抗爭猶是不斷，毋過毋是逐个人攏有意識著佇這背後伊愛付出啥物代價，真濟人伊咧面對這个代價的時陣，攏是用一寡方式家己來處理，但是大部份人是無這个智覺的。有的抗爭者治療傷痕行出陰影，也有人猶原被創傷束縛，停佇彼一工。

【治療政治傷痕的路】
毋管是228抑是白色恐怖，這款的國家暴力其實是整體的家庭咧承擔，台灣進行的初步轉型正義，其實攏無人注意著政治受難者的身心創傷，紲落嘛無注意著𪜶的家屬所承受著的國家暴力轉化做人際暴力的影響。
台灣轉型正義議題焦點毋但是愛公開威權時期的烏暗真相，政治暴力創傷的治療也是轉型正義真重要的部份，毋是個人和一口灶的代誌，是需要社會共同關心，才會當成就這條療傷之路，使國家向前進步！

12/29 禮拜日暗時七點半，綴台灣記事簿先來了解揹傷向前的彼陣人，落尾才閣來做伙行這條治療政治傷痕的路！