冷氣團落南 12/18下暗到明仔透早部份地區10度以下
發布時間: 2024-12-18
受著冷氣團的影響，全臺各地會愈來愈寒，今仔(18)透早上低溫是新北石碇干焦11.6度。氣象署繼續針對苗栗以北、和金門地區發佈低溫特報，而且愈暗會愈寒。冷氣團發威，下暗(18)到明仔(19)早起會上寒，中部以北、東北部低溫大約是12-14度，較曠闊的所在有可能會寒到10度以下。懸山嘛有可能會結樹霜甚至落雪。拜六(21)又閣會受著另外一波冷氣團影響，禮拜(22)、拜一(23)透早攏會真寒，提醒觀眾朋友著愛注意天氣變化。
