:::

閃爍台灣膠彩百年風景、予國家搶走的青春歲月｜台灣記事簿

發布時間: 2024-11-23

【閃爍台灣膠彩百年風景】
「膠彩畫」自日本時代傳來台灣，當當時是號做「東洋畫」，「膠彩」是一款特殊的創作媒材，材料特色影響藝術家的畫面。經過世代畫家的本土轉化，用礦石的色彩來講土地和生活的故事，藝術家用當代的眼光畫文化記持，畫出台灣獨一無二的閃爍風景。
當代的藝術發展行到複合媒材、創新試驗，膠彩這款的創作形式相對古典。台灣膠彩畫發展重要的時間點和政治變化誠密切，1920年代膠彩畫佇日本時代傳來台灣，1946年國民政府來台了後，發生水墨、膠彩正統國畫之爭，1972年台日斷交，後續膠彩畫失去官方展出的空間。

公視台語台
【行袂到未來的青春】
從107年開始，15歲至24歲的少年人每一年自殺死亡的人數超過200个人，112年已經夯懸到26 0个人。是沉重的功課、真僫解的家庭問題？或者是24點鐘紡無歇睏的網路世界？到底是啥物原因予遮的少年人想袂開，想欲結束寶貴的性命？
看著愈來愈濟少年人自殺的新聞，2021年衛福部的調查報告指出，有25%的國中生佮高中生捌真認真考慮欲行短路。面對青少年的傷痕，家長佮老師加減會煩惱，難免會感覺操煩，毋過閣較重要的是成做伊佇咧困境當中的彼葩燈火。