予國家搶去的青春歲月、鹽水老城 藝術造鎮｜台灣記事簿
發布時間: 2024-08-17
【予國家搶去的青春歲月】
台灣這馬伊咧享受的自由佮民主是按怎來的？是偌濟清白的少年人用性命佮青春換來矣。𪜶無做啥物對不起國家、對不起良心的代誌，就予人關入去烏監牢，佇內底的三頓就是百般折磨、刑求，上低消費額就是疲勞審訊，這个狀況干焦是白色恐怖年代的一細角。
1960年代，監牢內底逐間攏有死刑犯，所以若判無期，逐家閣會共你講恭喜，抾著一條命。坐牢15年的呂建興變做一个作家，出獄無偌久就提著吳濁流文學獎，佇咧綠島服刑結束的陳欽生，勇敢行出來，共伊的過去講予逐家知，成做景美人權園區的導覽員，欲予逐家知影自由佮民主的珍貴。
【鹽水老城 藝術造鎮】
1945年二戰的時陣，美國的一架P-38的轟炸機飛來鹽水，開始共遮的樓仔攏垂油，垂了後就按呢放這个燒夷彈，然後鹽水就差不多燒欲規禮拜，八角樓是少數保存甲誠好勢的樓仔經典。
鹽水1662年開始開墾，人講一府、二鹿、三艋岬、四月津，伊佇文化、經濟、交通佮軍事攏有誠重要的地位。毋過這馬除了放蜂仔炮的活動期間攏無啥物遊客，所以有一陣人開始想空想縫，想欲透過藝術文化歷史場域的再造，予鹽水會當閣重新再起！
8/18 禮拜日暗時七點半，綴台灣記事簿熟似予國家搶去的青春歲月，閣來看鹽水老城 藝術造鎮。
