TAIWAN PLUS移師京都，台日交流激出文化新能量｜青春咱的夢
發布時間: 2024-07-05
【佇京都的台灣味】
台灣中華文化總會主辦的第五屆TAIWAN PLUS文化交流活動，今年頭一擺佇日本京都舉辦，活動名稱定做「京都新寶島」。這場活動包括音樂、尪仔冊、甚至有宗教信仰，想欲加強台日兩國的交流佮合作。今年活動以「夜市」為主題，現場有超過一百个台灣品牌擔仔，演唱的音樂嘛充滿台灣風情，展現厚味的台灣特色，吸引數萬人做伙來參加。這改毋但是台日交流，閣有少年世代創新文化的呈現。
公視臺語台《青春！咱的夢》7/6這禮拜六暗時7點半，欲𤆬觀眾來去日本京都現場，享受豐沛的台灣味。
