台鋼雄鷹釘根高雄，欲成做予在地驕傲的城市球隊！｜青春咱的夢
發布時間: 2024-06-28
【職業新隊 在地交陪】
中華職棒2024頂半季冠軍已經佇25號由統一獅隊出線，昨昏的選秀，旅美強棒張育成無意外的成做狀元，閣加上台北大巨蛋開打，佇咧今年又閣起一波看棒球的熱潮。根據中華職棒大聯盟的數據顯示，今年入場看比賽的觀眾，平均一場有7000外人，佮2023年仝一个時陣相比，人數成長將近22%，而中職第六隊台鋼雄鷹以高雄為基地，為著欲增加在地認同，除了選入袂少南部的球員以外，嘛成立啦啦隊做城市行銷，帶動南部球迷的成長。
公視臺語台《青春！咱的夢》6/29這禮拜六暗時7點半，欲𤆬恁來看，這隻菜鳥球隊，按怎來佮在地交陪的故事。
