搶救電影的記持、頭一間西式大學 台南神學院｜台灣記事簿
發布時間: 2024-06-01
【搶救電影的記持】
佇串流時代，電影老文物佮時間走相逐，搶救！這馬的娛樂是愈來愈多元，足濟電影的老文物攏綴時代衰微。以前廟埕是人𤲍𤲍，大家攏咧看露天電影，這馬不比以早，但老放映師嘛是足拍拚堅守到最後，才換做DVD放片。
為了欲予kha̋-bóng的放影機繼續衝煙，放映精彩的電影畫面，戲園老闆、南藝大曾吉賢老師佮其他的仝僚，投入搶救電影老文物的行動。
毋過，按呢的電影文物保存的方式，敢會使予人想起當年的老戲園捌創造快樂予台灣人？
為了欲予kha̋-bóng的放影機繼續衝煙，放映精彩的電影畫面，戲園老闆、南藝大曾吉賢老師佮其他的仝僚，投入搶救電影老文物的行動。
毋過，按呢的電影文物保存的方式，敢會使予人想起當年的老戲園捌創造快樂予台灣人？
【頭一間西式大學 台南神學院】
台灣頭一間西方式大學是佇咧台南，號做台南神學院，創校155年，今年選出來的副總統蕭美琴伊的阿爸嘛捌擔任過學院的第五任院長。台南神學院的創辦人馬雅各醫生佮第一任校長巴克禮牧師𪜶用羅馬拼音寫聖經、傳福音，對台語文化的保存、台語現代化的書寫佮傳播攏有誠大的貢獻。
台灣第一份報紙「台灣府城教會報」嘛是巴克禮牧師創辦的，佇戒嚴時期，教會公報嘛出足濟篇二二八事件的文章，煞去予警總扣押。神學院嘛有真濟校友佇第一線佮人民徛做伙，對抗權威。
6/2 禮拜日暗時七點半，綴台灣記事簿先做伙來搶救露天電影想起囡仔時的記持，才閣來熟似頭一間西式大學 台南神學院。
