啥人害台文系吊鼎、蹛入眷村的新住民｜台灣記事簿
發布時間: 2024-04-20
【啥人害台文系吊鼎】
27年前，真理大學𤆬頭成立全台灣第一間台灣文學系。當年無簡單才創系，煞毋知無到30年，就面臨生存危機，2023年新生註冊人數干焦6个人。停招消息一出來，學生隨發起搶救活動。佮其他系所相比，相對少年的台文系，未來的路要往佗位去？
【蹛入眷村的新住民】
1996年台灣開始大規模眷村拆除改建了後，陸續有眷村文化保存的討論。2006年眷村正式納入文資保存，鳳山的黃埔新村佇2013年才登錄做文化景觀。2014年高雄文化局發起「以蹛代護」計畫，共原眷戶請出去，邀請對眷村有興趣的人入來蹛。
這馬黃埔新村內有無仝所在的新眷村居民，透過蹛入來形成新的特色，毋過長期愛如何經營，甚至延續眷村文化精神，需要市府和居民共同協商走揣平衡。
4/21 禮拜日暗時七點半，綴台灣記事簿先來揣出啥人害台文系吊鼎，才閣看蹛入眷村的新住民。
