318學運十年，太陽花世代的青年這馬佇佗位？｜青春咱的夢
發布時間: 2024-03-15
【看著太陽花開的𪜶--三一八學運十年】
佇2014年3月18日，一陣學生佮公民團體，為著抗議《海峽兩岸服務貿易協議》的審查爭議，佔領立法院引起予國際震撼的318學運。
到今學運咧欲滿十年，斯當時的青年參與者，目前的生活佮發展如何？回想起這場學運，敢有為台灣社會帶來啥物款的改變？
公視臺語台「青春！咱的夢」3/16這禮拜六暗時7點半，阮的鏡頭欲綴三位318學運的參與者，來回顧這場運動對𪜶佮社會產生啥物影響。
