今日鋒面通過 中部以北落雨、懸山可能落雪
發布時間: 2024-03-11
今仔日(3/11)有鋒面通過，了後東北季風、大陸冷氣團也會落南，到暗時，各地氣溫就會開始降低，北部、東北部愈暗會愈涼冷，預測低溫13-15度，其他所在16-18度。受鋒面影響，各地水氣嘛會明顯增加，可能有局部短暫陣雨。這波東北季風、大陸冷氣團會持續影響到拜二、拜三，今仔日(3/11)因為鋒面通過，各地天氣會較無穩定，尤其中部以北會開始落雨。水氣、溫度的條件，若有配合，3500公尺以上高山有機會落雪。按算後一波變天會佇咧拜五、拜六這兩天，食風爿水氣會增加。
