百年麥仔酒的危機、花玻璃的記持｜台灣記事簿
發布時間: 2024-03-07
【百年麥仔酒的危機】
台灣頭一座麥仔酒工場，建國bì-lù工場佇西元1919年建置，當時號做高砂（たかさご）。2000年，建國bì-lù工場園區的部份建築，予臺北市政府指定做市定古蹟。這馬逐工抑是有咧生產台灣bì-lù，上出名的著是 18工。
毋過，這馬煞因為都市計畫變更，面臨土地分割的危機。紅樓、青樓等等的古蹟建築群，攏撥予國立臺北科技大學來使用。面對文資保存、食品衛生、經營成本佮臺北科技大學校地無夠用的狀況，未來敢閣會當啉著百年酒芳？
【花玻璃的記持】
花玻璃是咱這个時代的共同記持，毋過，這个舊記持這馬煞袂面對消失的問題。閣有，花玻璃的圖樣符號欲按怎佮新時代產生連結，嘛是咱逐家愛思考的問題。不而過，其實早有一陣人佇咧為這件代誌認真打拚，而且佇𪜶的打拚，舊記持的花玻璃這馬成做新時代的文創商品。
以早佇咧台灣的老厝，真四常攏會當看著花玻璃，伊的圖樣誠濟，有海棠花、十字紋等等，攏足媠的。毋過，彼當陣時行花玻璃的原因是啥？竟然佮咱較早做玻璃的技術無夠好有關係？
以早佇咧台灣的老厝，真四常攏會當看著花玻璃，伊的圖樣誠濟，有海棠花、十字紋等等，攏足媠的。毋過，彼當陣時行花玻璃的原因是啥？竟然佮咱較早做玻璃的技術無夠好有關係？
3/3 禮拜日暗時七點半，綴台灣記事簿先來了解台灣人百年麥仔酒的危機，才閣來揣咱囡仔時代花玻璃的記持。
