烏俄戰爭滿兩週年，烏克蘭人的現況佮改變｜青春咱的夢

【烏俄戰爭-救援紀實】

2022年2月24日，俄羅斯入侵烏克蘭，烏俄戰爭爆發，這禮拜六就欲滿兩年矣。這場戰爭愈拖愈長，到今猶看袂著終點。

​佇國際的關注度愈來愈低的狀況之下，《青春！咱的夢》團隊舊年就去到烏克蘭佮周圍的國家，製作「烏俄戰爭-救援紀實」系列報導，帶逐家繼續關心當地人民的現況。毋但採訪有難民、志工、軍人、NGO組織，嘛記錄真濟台灣青年援助的過程。

佇這場充滿無情戰火的考驗之下，有人投入人道救援，成做難民上堅強的支柱；嘛有人協助整理物資，四界走傱。咱見證台灣青年的力量，閣感受著無分國界的愛心。

《青春！咱的夢》佇戰爭滿兩週年的這一工，推出回顧整理報導，用三十分鐘的時間，𤆬恁閣一改關心這場戰事，看烏克蘭人所拄著的衝擊佮改變。