咧欲消失的馬祖話、牡丹事件戰死勇士的百年漂流｜台灣記事簿
發布時間: 2024-02-03
【咧欲消失的馬祖話】
馬祖話過去受著「講國語、禁方言」政策影響，語言傳承拄著斷層。 五、六十歲以上的人才會曉講馬祖話，18歲以下會曉講的無到4%，馬祖語面臨消失危機。 不而過，佇馬祖、佇桃園，有一陣馬祖人拚勢咧講在地故事、搬戲，望會當解決傳承危機。
【牡丹事件戰死勇士的百年漂流】
牡丹社事件了後，日軍帶走12粒原住民的頭骨。2019年，學者整理文獻發現，其中4粒頭骨，去予人收藏佇英國愛丁堡大學。經過150冬，重要的毋但是這4位勇士總算會當轉來部落，必須愛閣重新看待的，猶有牡丹社事件的來龍去脈。
2/4 禮拜日暗時七點半，綴台灣記事簿先來看咧欲消失的馬祖話，閣來了解牡丹事件戰死勇士的百年漂流。
