洪稇源商號的故事、白河大地動60年 台南篇｜台灣記事簿
發布時間: 2024-01-20
【洪稇源商號的故事】
高雄六龜有一棟真有古早味的建築物「洪稇源商號 」。伊是佇日本時代 1912年成立的，是當時的「蕃產交易所」。 彼當時，日本政府規定原住民到山跤袂使隨意買賣，必須到有官方許可執照的交換所才會使交易。 原住民來到遮，主要用紅豆、香菇、鹿茸，交換番仔火佮鹽。 洪稇源商號代表著六龜多元族群的歷史，遮的故事將隨著建築佮文物的保存，而繼續流傳落去。
【白河大地動60年 台南篇】
白河大地動造成台南東山上鬧熱的街仔路頂懸，兩排的厝差不多攏總倒去。東山的信仰中心碧軒寺，嘛佇這場地動整個崩去。廟裡掛的「碧雲傳香」這塊匾，嘛捌用來救災，做臨時的軟轎。
1/21 禮拜日暗時七點半，綴台灣記事簿先來了解洪稇源商號的故事，閣來看白河大地動的老相片佮影像，記住這段「驚天動地」的歷史。
