少年查某囡仔組隊創業，用創意復興宜蘭小漁村｜青春咱的夢
發布時間: 2023-12-15
【宜蘭魚仔有夠青】
海洋資源直直減少，這毋但是台灣漁業面臨的問題，嘛是全球共同的挑戰。
漁民有當時仔定定拄著魚貨大出，價格就按呢崩盤的狀況，為著彌補經濟損失，𪜶有可能會掠甲過度，這致使價數佮量失去平衡，猶閣有海產資源浪費的問題。
佇咧宜蘭，四位干焦有23歲的少年查某囡仔建立一个新創團隊，𪜶拍拚咧線頂賣著時的漁獲，嘛參與漁村復興的工課。除了賣魚仔，𪜶閣積極宣導食魚教育，而且推廣當地舊街文化，希望會當吸引閣較濟少年人轉來漁村同齊做漁業創新，發揮影響力。
公視臺語台「青春！咱的夢」12/16這禮拜六暗時7點半，欲𤆬逐家來看四个少年查某囡仔復興漁村的故事。
