伴你做伙老、真心疼台灣 做陣來讀冊｜台灣記事簿
發布時間: 2023-12-16
【伴你做伙老】
厝裡有自閉症囡仔的父母，上大的煩惱是：「若有一天我無佇咧矣，囡仔欲按怎？」，𪜶上大的心願是比囡仔加活一工。擔任照顧者的父母面臨老化，因為袂放心，有一寡「星兒」家庭分別佇林口社宅、桃園龍潭，打造友善自閉兒的雙老家園，共同分伻照顧重擔，嘛相互支持。這群父母想欲陪囡仔「做伙老」。
【真心疼台灣 做陣來讀冊】
佇1995年，嘉義有一間圖書室佇地下室成立矣，這是台灣第一間以「台灣」為主題的公共圖書室。主事的張宏榮醫師後來因為調派屏東，圖書室只好暫時收起來。一直到2011年張醫師過身，伊的牽手鄭書勉和其他有志骨力走傱，台灣圖書室才佇一間日本時代的木造厝重新開業。這馬予少年人接落來，傳承張醫師所說的「杜蚓仔」精神，做代誌無一定會予人看著，毋過希望予台灣的土地閣較有養分，閣較有活力。
12/17 禮拜日暗時七點半，綴台灣記事簿先來了解啥物是雙老家園，閣來讀書室感受「杜蚓仔」的精神。
