屏東明揚工廠爆炸著火 至少7死、3失聯、98傷
發布時間: 2023-09-23
屏東科技園區的「明揚國際工廠」起火燒閣爆炸，23早起工廠內部猶是咧翕燒、衝烏煙，消防人員是使用大型機器工具，共鐵厝的鉛鉼壁徙走，通入去內底揣失蹤的員工佮消防人員。早前5點左右，因為中央氣象署，針對屏東有發布大雨特報，就驚工廠內底，閣有拄水會爆炸的化學品，搜救行動5點左右宣布小停。消防署已經證實這場大火，造成四个消防人員過身，全案目前計共有7个人死亡、98个人著傷、3个人猶是失蹤的狀況，病院內有49人當咧治療。總統蔡英文也落南關心。
