《咱的歌》專輯發佈會
發布時間: 2024-01-19
為著予母語學習向下釘根，予台灣話融入日常生活，
公視台語台主辦「2023咱的歌：台語囡仔歌創作徵選」活動，
向大眾徵求全新原創的台語囡仔歌作品，
經過一年籌備、公開徵選、錄音製作，
由黃培育、柯智豪、曾仁義三位金曲製作人相佮打造，
集合10組對台語囡仔歌有熱情的音樂創作者，
公視台語台頭一塊原創台語囡仔歌專輯《咱的歌》隨隨欲正式佮逐家見面囉！
《咱的歌》專輯發佈會佇1月28日佇四四南村舉辦，
當工10組創作者會演唱專輯歌曲，
現場閣有台語創意市集活動，
誠意邀請您出席，做伙來唱咱的歌！
